بقلم الشاعرة سحر زهران (حياه الروح)

صلوا على سيدنا النبى
ده زيارته املى ومطلبى
واتعطر بنفحات روضته
بلمسة بابه ومسجده
وارمى السلام عليك يانبى
بتمنى لو ف الحلم اشوفك
واتملى بجمالك وطيفك
واصلى فرض ف صحبتك
وانول شرف لقا حضرتك
صلوا على سيدنا النبى
وياخدنى الحلم ف رحلتك
واتعلم اصول سنتك
واعرف كتير عن صحبتك
قالوا عنك ف الصغر
رسولنا اجمل م القمر
عليه طيابه تلين الحجر
وتعالوا ندقق ف الشيم
نبينا من شيمه الكرم
نبينا كان صادق امين
علم شيمه لكل الامم
عاشقه يارب روح الحبيب
ذكراه شفا احسن طبيب
بينا كلنا نصلى عليه
وندعى ربى يشفعنا بيه
صلوا على سيدنا النبى